राजस्व कर्मचारी के जबरदस्ती कराई देलकय शादी, शायदे सुनने होईभो पकड़ौआ बियाह के याहिनो किस्सा

                                                                                

बिहार मा पकड़ौआ बियाह खूब प्रचलित छै. हालांकि, पहिले के मुताबिक आबे पकड़ी का बियाह बहुत कम लोगों के हुअई छै. लेकिन, यही रंग मा पकड़ाय गेलय सीतामढ़ी मा काम करैई वाला बेगूसराय के एगो लड़का. ई खबर मा तोरा विस्तार सा बताइभौंन कि केना सीतामढ़ी मा काम करई वाला राजस्व कर्मचारी का पकड़ी का बियाह कराय देलकय. ता आबो जानैय छियै पूरा मामला.

ई छै पूरा मामला

बिहार के बेगूसराय जिला के छौड़ाही थाना क्षेत्र के पतला गांव के रहैय वाला श्याम नारायण महतो के बेटा रिंटू कुमार ना सीतामढ़ी के रुन्नीसैदपुर प्रखंड मा राजस्व कर्मचारी के काम करैय रहैय. यही बीच मा समस्तीपुर के रहैय वाला जागेश्वर प्रसाद ना आपनो बेटी के रिश्ता रिंटू के घर पर भेजलकय. लेकिन, रिंटू ना शादी करैय सा मना करी देलकय.ओकरो बाद करीब एक महीना पहिना रिंटू छुट्टी मनाबैईला आपनो गांव यानी कि बेगूसराय अैलो रहैय. तभीये लड़की भी आपनो रिश्तेदार के घर रिंटू के गांव अैलो रहैय. जेकरो बाद लड़की के रिश्तेदार ना रिंटू का चाय पियैला आपनो घर बुलैलकय. तभीये लड़का आरो लड़की के पहली बार मुलाकात होईलौ रहैय. लेकिन, तखनी शादी के बारे मा कुछ बात नैय होईलौ रहैय. कुछ दिन बाद रिंटू वापस आपनो काम पर चलली गेलय. 

रिंटू लगां पहुंची गेलय लड़की

ई सब होला के बाद एक दिन लड़की के रिश्तेदार ना रिंटू का फोन करलाकैय. रिश्तेदार ना कहलकैय कि एगो लड़का के एग्जाम छिकैय सीतामढ़ी मा. ता ओकरो रहैय के व्यवस्था करी देलो जाए. रिंटू बात मानी लेलकय. जेकरो बाद बुधवार के दिन लड़की रिंटू के रूम मा पहुंची गेलय. फेरू लड़की के पिता जी ना समस्तीपुर के विभूतिपुर थाना मा आवेदन दे देलकय कि ओकरो बेटी के रिंटू ना अपहरण करी लेने छै. 

ओकरो बाद लड़का का समस्तीपुर के विभूतिपुर थाना के पुलिस ना लड़का का फोन करलाकय. पुलिस ना लड़का का थाना लैका आबयला कहलकय. रिंटू लड़की का लैका थाना पहुंचलय. जहां पुलिस स्टेशन के बगल वाला मंदिर मा पुलिस ना दोनों के शादी कराय देलकय. जबकि, लड़का वाला के आरोप छै कि पुलिस ना रिंटू के परिवार का सूचना नैय देलकय.

लड़का-लड़की मा बहस 

शादी के बाद लड़की ना कहलकय कि हममें दोनों एक दूसरा का 6 महीना सा जानैय छियै. एकरा पर लड़का कहलकय कि नैय दू दिन सा जानैय छियै. फेरू लड़की कहलकय अेकरो इच्छा सा शादी होईलो छै. लड़का कहलकय चाय पियैला गेलो रिहैय लेकिन, शादी के बाद नैय होलो रहैय. फिलहाल दोनहू के शादी पूरे समाज मा चर्चा के विषय बनलो छै. लड़का आरो लड़की पक्ष के आपनो-आपनो दावा छै.